[求助]我家的猫最近一段时间去尿尿都尿出血来，而且频繁上厕所！！怎么办啊？？（急）

daisy_gz

猫猫甘样的话，一定要马上去医院，唔好拖啊，我的猫咪去年年初，也是这样的，当时好彩送院及时，医生话距膀胱好胀，憋左好多尿，后来同距排尿后，距就马上出现低温了35度，呕吐得好厉害，吓到我地咩甘，后来医生不断用暖风机替距加温，保暖，吊营养液维持距的生命，后来医院的教授同我讲，距虽然尿排出，但体内有好多砂粒，是尿结石，一定要做手术才能医好，后来安排距做左尿结石手术，是要开肚取结石的，当时我真是好担心，但唔做手术的话，猫咪撑不下去啊，幸运手术成功，猫咪后来都需要长期吃皇家的处方猫粮，现在距好精灵。生活得好好。

仲有提醒楼主，是教授同我讲的，话我只公猫，以前经常用猫砂，而猫砂的粒状塞住左距的**，搞到距发炎，后来经常憋尿，引发尿结石的。建议我以后唔好俾猫砂距用，直接俾个便盘距排尿，而家猫咪无再发生以上的状况啦。

所以话千祈唔好拖啊，要马上送院的。病向浅中医啊，最后希望楼主的猫咪早日康复！

barby_lai

回复 11# daisy_gz


    唔该晒！！我上星期已经带左佢去严医生度睇啦~做咗手术拿左一粒结石！~都有手指尾指甲甘大吖！~
宜家就等拆线就得啦！基本都无乜大碍，同你只一样要长期吃处方粮，不过佢都唔中意食所以食好少！！我唯有买罐希尔斯既处方a/d罐头备佢沟埋黎食！~仲要人喂，爹人到死~餐餐都系甘，激死我啦！~ 你只貓肯食處方糧啊？？你點整到佢食噶？？除咗好似我甘用罐頭勾引佢之外？？
    我只喵系女仔，宜家去噓噓都幾好，我宜家成日都擔心佢飲水少，成日逼佢飲水~
    希望兩隻喵喵都快啲好翻！！唔好再有啲咁既病~
    另外我想問問你之前帶佢去邊間醫院度睇病啊？？貴唔貴？？我覺得嚴醫生度好貴啊~不過可能因為我又唔知動物醫院價格既行情，所以覺得貴啦。

daisy_gz

回复 12# barby_lai


    太好啦，猫仔无事啦，恭喜啊，我只猫好钟意食皇家的处方猫粮啊，而家唔肯食其他猫粮。我而家每个月都会在网上帮距订皇家处方猫粮的。

    我之前是带距去怡乐路的金穗动物医院睇的，是李教授救番距条命的，我只猫咪两次死里逃生，两次都因血尿，疴唔到尿入院大手术，其中仲有几次的小病小痛，距每次大手术都要差不多三千蚊左右，包括拍片费，住院费，手术费，术后护理之类的费用，都好贵架，不过无办法啦，为左距，只要医生话有机会救活的话，使几多钱都要的，钱可以稳得番，就话晒是一条生命，唔理由放弃距的，而且距都好生性，无放弃距自己，知道我抢救距，都好配合医生，李教授话距是甘多只做手术猫当中最乖的一只，换药时都唔叫，好忍得痛，可能只猪仔怕死挂，好似我地呢种有过尿结石的猫，一定要逼距饮多D水架，要距多D做下运动，多D陪下距玩。

   手术后的猫咪，护理都好紧要，千祈唔好俾距自己舔伤口啊，距饮用的水，千祈唔好俾生水，最好就是煲过的水啊。多D同距玩，关心距，距的康复会快好多的，总之我只猫同你只猫，都是同病相怜，第日我地可以多D交流下的，呵呵。